काठमाडौं,साउन १६ । सरकारले त्रिशूलीमा हराएका बस र बेपत्ता यात्रु अझै भेट्न सकिएको छैन । १ महिना हुनै लाग्दा पनि भेटने सम्भावना नदेखिएपछि खोजी गर्न चीनसँग पनि सहयोग माग्ने सरकारको तयारी छ । गृहसचिव एकनारायण अर्यालका अनुसार बस खोज्न चीनसँग सहयोग माग्ने तयारी भएको छ ।
मुग्लिन –नारायणघाट सडकअन्तर्गत सिमतालमा २८ असारमा लेदो सहितको पहिरोमा परी दुई वटा बस बगेका थिए । बसमा सवार ६५ यात्रुमध्ये ३ जना पौडिएर बाहिर निस्किएका थिए । हालसम्म २४ वटा शव फेला परेका छन् ।
अन्य यात्रु र बसको अवस्था पत्ता लागेको छैन । यसअघि बेपत्ता यात्रु र बस खोज्न भारतीय जनशक्तिसमेत परिचालन गरिएको थियो ।
